Таатта улууһун А.Е.Кулаковскай аатын сүгэр Дьохсоҕон оскуолата айар тыл аҕата, саха литературатынтөрүттээччи, былыргы олох чинчиһитэ, бөлүһүөк А.Е.Кулаковскай-Өксөкүлээх Өлөксөйтөрөөбүтэ 145 сылыгар аналлаах өрөспүүбүлүкэтээҕи «Өксөкүлээх ааҕыылара» научнай-практическай конференциятын түмүктээтэ. Бу конференция 5 секциянан ыытылынна:
1 секция «ВкладА.Е. Кулаковского в увековечении традиций и фольклора народа саха»;«Литературная деятельность А.Е. Кулаковского» диэн научно-практическай конференция;
2 секция.«Хомоҕой хоһоонньут» -А. Е. Кулаковскай хоһооннорун ааҕыы конкурса;
3секция «Өксөкүлээҕи туойабын» – А.Е.Кулаковскайга аналлаах хоһооннору айыы күрэҕэ;
4 секция «Мин Өксөкүлээҕим» – өйтөн суруйуу күрэҕэ;
5 секция«Благословляем великого сына народа» – педагогтар видео уруоктарыгар уонна дьарыктарыгар күрэх.
Биһиги оскуолабыт “Бэстээх Кэскилэ” хоһоонньуттар бөлөхтөрө, 6,8 кылаас үөрэнээччилэрэ: Никитин Егор, Винокуров Алексей, Егоров Эрсан, Гоголев Алексей, Прокопьев Ариян, Попов Владиан, Сидоров Стас, Скрябин Минтимер, Слепцов Алексей «Хомоҕой хоһоонньут» секцияҕа Өксөкүлээх Өлөксөй “Оттоку олук алгыһа” айымньытынан I степеннээх лауреат буоллулар. Маны таһынан, бу айымньынан Арассыыйа таһымыгар ыытыллыбыт “Язык предков” конкурска Гран –При үрдүк аатын ыллылар.
Гоголева А.С., саха тылын учуутала
Свежие комментарии