Кулун тутар 20 күнүгэр оскуола иһинэн ыытыллар “Төрөппүт  тэрийэр фестиваля” диэн тиэмэлээх тэрээһиҥҥэ биһиги кылаас төрөппүттэрэ, оҕолорбутун кытта “Өбүгэм бэлэҕэ” диэн оҕо инникитин идэтин талынарыгар аналлаах тэрээһин ыыттыбыт.

Хас биирдии киһи бэйэтин төрдүн –ууһун, өбүгэлэрин, кинилэр олохторун –дьаһахтарын, удьуор дьарыктарын, көлүөнэттэн көлүөнэҕэ бэриллэн иһэр үтүө үгэстэрин билиэхтээх. Бэйэтин төрдүн –ууһун үчүгэйдик билэр, дьонунан –сэргэтинэн киэн туттар киһи олоххо бигэ тирэхтээх буолар.

Биһиги бу үлэбитин кылааспыт салайааччытын Анна Серафимовнаны кытта  5 кылаастан саҕалаабыппыт. Ол курдук, 5 кылааска үөрэнэ сылдьан,  оҕолор хос эһээлэрин, эбээлэрин, абаҕаларын, таайдарын, кырдьаҕас  эдьиийдэрин  туһунан өйтөн суруйууларынан “Нет безымянных солдат” диэн хомуурунньук оҥорон таһаарбыппыт. 6 – 7 кылааска эбээлэрин, эһээлэрин,ийэлэрин, аҕаларын туһунан өйтөн суруйбуттара.

Бу өйтөн суруйуулар түмүктэринэн, сүрдээх үчүгэй чинчийии таҕыста. Ол курдук, хас биирдии оҕо бэйэтин төрдүн-ууһун, өбүгэлэрин, кинилэр олохторун-дьаһахтарын, удьуор дьарыктарын, айылҕаттан бэриллибит дьоҕурдарын-талааннарын уерэттилэр, чинчийдилэр. Ол түмүгүнэн кылааска  26 оҕоттон хаанынан бэриллибит маннык дьоҕурдар таҕыстылар: үҥкүүһүттэр, ырыаһыттар, илиигэ дьоҕурдаахтар, спортсменнар, оратордар, учууталлар, быраастар, юристар, программистар, бухгалтердар.

Оҕо идэтин сөпкө таларыгар бу бырайыакпыт үгэскэ кубулуйан, сылтан-сыл аайы төрөппүт көҕүлээһининэн өссө дириҥник чинчийиллэн иһиэн наада.Өбүгэлэртэн кэлбит  талааны, дьоҕуру таба тайанан оҕолорбут айымньылаах үлэ аартыгар эрэллээхтик хардыылыахтара диэн баҕа санаабытын этэбит.

Оскуола төрөппүтүн комитетын председателэ, 8 б кылаас төрөппүтэ

 Белолюбская Туяра Афанасьевна

3 марта на базе нашей школы прошли улусные семинары Гоголевой Анны Серафимовны, учителя якутского языка и литературы МБОУ НБСОШ №2 на тему «Мультикультурнай эйгэ5э сахалыы тыыны иитии» и Скрябиной Матрены Петровны, учителя-логопеда МБОУ НБСОШ №2 «Роль логопеда в формировании учебной деятельности детей с нарушениями речи».

Участие на семинаре Гоголевой А.С. приняли 25 учителей якутского языка и литературы, на семинаре Скрябиной М.П. побывали 18 педагогов.

5-16 февраля 2018 года в Павловской СОШ им. В.Н.Оконешникова в 20-й раз состоялся традиционный муниципальный профессиональный конкурс «Учитель года — 2018».

Continue reading

Мин күүстээхпин Ийэ тылбынан!

Аалы көтөҕөр алгыспынан,

Өбүгэлэртэн силис тардынан

Тыыннаах кэлбит үгэспинэн!

Биһиги оскуолабытыгар Ийэ тыл, сурук-бичик күнэ олус сэргэхтик ааста. Сарсыарда алгыстаах алаадьынан үөрэнээччилэри көрсөн күнү саҕалаатыбыт.

Үөрүүлээх линейкага саха тылын харыстыырга ыҥырылынна, сахалыы хомоҕой хоһооннор ааҕылыннылар, үҥкүү үҥкүүлэннэ. Ону тэҥэ, уолаттарга «Өбугэ оонньуулара», кыргыттарга «Уһун суһуох» курэхтэр ыытылыннылар.

«Суруйааччы презентацията» диэн сэтинньи ыйга ыытыллыбыт саха тылын учууталларын  республикатаа5ы курэ5эр Гоголева Анна Серафимовна бастыннартан биирдэстэринэн ааттанна.

55 улэттэн талыллан 8 презентация бастынынан ааттанна. Анна Серафимовна Мэнэ-Ханалас улуустаа5ы «Аа5ар кылаас» проегынан суруйааччылар презентацияларын онорон инники куеннэ та5ыста.

Тыл хоһууна.

Биһиги кулун тутар 2 күнүгэр Балыктаахха “Тыл хоһууна” диэн улуустааҕы 11-13 саастаах уолаттар күрэстэригэр ситиһиилээхтик кыттан кэлбиппит. Бу күрэһи быйыл бэһис сылын “Төлкө” общественнай түмсүү, “Арчы” духовнай киин тэрийэн  ыытар. Күрэс автора Майа В.П.Ларионов аатынан 1 № оскуолатын төрүт культура учуутала Ворогушин Дорҕоон Дохсун буолар.

Балыктаахха барыта сэттэ хамаанда кэлэн кыттыыны ылбыта, күрэстэспитэ. Биһиги оскуолабытыттан  “Бэстээх кэскилэ” диэн ааттанаммыт сэттэ уол кыттыбыппыт, салайааччыбыт саха тылын учуутала Гоголева Анна Серафимовна. Күрэс түмүгэр үһүс миэстэ буоламмыт, кулун тутар 11 күнүгэр республикатааҕы “Тыл хоһуунугар” ыҥырыллыбыппыт. Республикатааҕы күрэс “Арчы” духовнай кииҥҥэ буолбута. Барыта 13 хамаанда: Амматтан түөрт, Дьокуускай куорат оскуолаларыттан алта, Мэҥэ Хаҥаластан түөрт   хамаанда кэлэн күөн көрсүбүппүт. Күрэс биэс түһүмэхтээх:

1. Бэйэни билиһиннэрии
2. Хамаанданан мөккүһүү
3. Тумус дьон күрэһэ
4. Хоһоон хонуута
5. Төрүт оонньуулар.

Түһүмэх барыта олус интириэһинэй. Мин  ордук тумус дьон күөн көрсөр түһүмэҕин сөбүлээтим. Манна хамаандаттан саамай тыллаах-өстөөх, оҕурук өйдөөх тумус уолаттар тахсан, түбэспит ыйытыкка үс мүнүүтэ толкуйдаан баран, санааларын этэллэр, боппуруос бэрсэн мөккүһэллэр.

Мин “Тыл хоһууна” күрэххэ элбэҕи билэн кэллим. Сахам сирин, улууһум, өбүгэлэрбит төрүт  үгэһин, чулуу дьоннорун, төрүт оонньууларын биллим, көрдүм, иһиттим. Ол курдук, төрүт оонньууларга ойбонтон уулааһыҥҥа, кырынаастааһыҥҥа, көтөх ынаҕы туруорууга күөн көрүстүбүт. Олус бэйэлэрин кыанар, кыахтаах уолаттар баалларыттан сөхтүм, астынным.

Күрэс түмүгүнэн биһиги үһүс миэстэ буолан, үөрэн — көтөн кэллибит. Мин “Бэргэн тыллаах” диэн анал аат ыламмын үөрүүм өссө үрдээтэ. Бу нуучча тыллаах  оскуола үөрэнээччилэригэр, биһиэхэ, улахан ситиһии буолар дии саныыбын.  Биир саамай сытыы тыллаах –өстөөх, кыахтаах хоһуун уолга “Тыл хоһууна” диэн үрдүк аат иҥэрилиннэ. Ол анал ааты Мэҥэ Хаҥалас Төҥүлү сэттис кылааһын үөрэнээччитэ Мичил Павлов ылыан ылла. Биһиги улууспутуттан түөрт хамаанда бары миэстэлэһэн, астынан төнүннүбүт. Эһиил биһиги үчүгэй бэлэмнээх бараммыт, көхтөөхтүк кыттыахпыт. Бу биһиэхэ, уолаттарга, инникитин сайдарбытыгар, сөпкө толкуйдуу үөрэнэрбитигэр, санаабытын төрөөбүт тылбытынан дьоҥҥо тиэрдэр гына этэрбитигэр олус наадалаах күрэс диэн түмүк оҥоһуннум.

“Тыл хоһууна” күрэс тэрийээччилэригэр, учууталбытыгар, төрөппүттэрбитигэр “Бэстээх кэскилэ” хамаанда аатыттан махталбытын тиэрдэбит.

                                                                                                “Бэстээх кэскилэ” хамаанда тумус киһитэ  Женя Платонов, 6 б кылаас үөрэнээччитэ