“Таптыыр сахам тылынан” диэн ааттаах аман өс күрэҕэ

Республикабыт үрдүнэн Төрөөбүт тыл уонна сурук-бичик күнүгэр аналлаах элбэх күрэхтэр ыытылыннылар. Ол курдук, олунньу 1-11 күннэригэроройуоннааҕы культура уонна духовнай сайдыы управленията, И.М.Сосин аатынан улуустааҕы киин библиотека, улуустааҕы социальнай политика управленията, “Майа сэлиэнньэтэ” МТ дьаһалтата куйаар ситимин нөҥүө “Таптыыр сахам тылынан” диэн ааттаах аман өс күрэҕин ыытта. Бу күрэх  Республикабытыгар ааҕыыны тарҕатыы уонна сайыннарыы концепциятыгар олоҕуран ыытылынна. Биһиги оскуолабытыттан 8 “б” кылаас үөрэнээччитэ Попов Владиан кыттыыны ылан, “Дорҕоонноох этээччи” диэн үрдүк аакка тигистэ.   И.М.Сосин аатынан улуустааҕы киин библиотека“Мин ийэ тылым – саха тыла” диэн эссе суруйуутун күрэҕэр саха тылын уонна литературатын учуутала Гоголева Анна Серафимовна иккис миэстэни ылла.

Маны таһынан, тохсунньу 25 күнүттэн олунньу 13 күнүгэр диэри Жатайдааҕы оҕону сайыннарар “Росток” киин Ийэ тыл уонна сурук –бичик күнүгэр, Саха АССР тэриллибитэ 100 сылыгар уонна Ийэ сылыгар анаан V төгүлүн  “Саха хоһооно” диэн республиканскай күрэҕи ыытта. Бу күрэххэ биһиги оскуолабыт ,,Бэстээх Кэскилэ” уус -уран ааҕыы бөлөҕүн инники кэскиллэрэ (6б  кылаас үөрэнээччилэрэ) Винокуров Спартак, Иванов Радомир, Никитин Егор, Никитин Толя, Сергучев Ньургун, Слепцов Артур  “Кэрэттэн кэрэни барытын тапталлаах ийэҕэ” аныыбыт диэн монтаһынан кыттан, “Креативный монтаж” диэн анал аакка  тигистилэр.

Ийэ тылбытынан санаабытын сайа этэ сылдьыаҕын!