Муус устар 9 кунугэр улуус уран уустара, талба маастардара сааскы чаҕыл күннээх үтүө күн улуус киинигэр Аллараа Бэстээххэ, олимпийскай чөмпүйүөн Тимир Пинегин аатынан “Баарыс” успуорт комплексыгар муһуннулар. Мэҥэ Хаҥалас улууһун илии оҥоһуктарын маастардара, уустара Арассыыйаҕа Норуоттар култуурунай нэһилиэстибэлэрин сылыгар уонна өрөспүүбүлүкэҕэ Саха АССР 100 сылыгар анаммыт быыстапка-дьаарбаҥкалара сарсыарда аһылынна.
Нэһилиэктэртэн кыттааччылар уонна өйөөччүлэр, сүрүннэһээччилэр дэлэгээссийэлэрэ комплекска ыраахтан-чугастан айаннаан кэлитэлээн истилэр. Тэрээһини улуус дьаһалтата, улуустааҕы култуура уонна духуобунай сайдыы управлениета, муниципальнай култуура тэрилтэтэ – Олоҥхо дьиэтэ иилээтилэр-саҕалаатылар.
Муус устарга бу тэрээһини ыытыы үгэс буолла, диэн бэлиэтиир управление начаалынньыгын солбуйааччы Надежда Максимова.
Киириигэ бэлиэтэммитинэн, 23 нэһилиэктэн 130 кыттааччы баар. Быыстапка-дьаарбаҥкаҕа “Чороон XXI” биллэр тэрилтэ, Намнааҕы худуоһустубаннай колледж, Дьокуускайдааҕы П.П.Романов аатынан худуоһустубаннай колледж, Дьокуускайдааҕы технология уонна дизайн колледжа кытталлар уонна фарфорга ойууну, оһуору түһэриигэ, туойтан харысхаллары оҥорууга, чорооннору чочуйууга кылаастары биэрэллэр. Биллэр маастардар – Афанасий Лопатин, Василий Протопопов, Федор Чярин, Александра Баишева эмиэ үөрэх чаастарын ыыталлар.
Бырагыраама быһыытынан, эбиэттэн киэһэ тимир уустарын “Быһар быһах” диэн күрэхтэһиилэрэ ыытыллар. Киэһэ 4 чаастан түмүктэри таһаарыы, наҕараадалааһыннар буоллулар. Ол курдук, Аллараа Бэстээх 2-с оскуолатын учууталыгар Сидоров Валентин Валентиновичка “Мэнэ Уус” (“Мастер – умелец Мегино-Кангаласского улуса”) диэн бэлиэ уеруулээхтик туттарылынна.
Аллараа Бэстээх киинигэр, Манчаары Баһылай пааматынньыгын искибиэригэр өрөспүүбүлүкэ 100 сылыгар анаммыт сахалыы таҥастаах флешмоб дьон болҕомтотун тарта, тэрээһин култуура өртүнээҕи чааһыгар кыттааччылары сэргэхситтэ. Подробнее: https://xn--h1abcx8dca.xn--p1ai/article/50166
Загрузка ...
Свежие комментарии