БАСТЫҤ ҮӨРЭНЭЭЧЧИЛЭР БАҺЫЛЫК ХАРЫЙАТЫГАР ТҮМҮСТҮЛЭР

Бүгүн, ахсынньы 25 күнүгэр, Мэҥэ Хаҥалас улууһун баһылыгын Саҥа дьыллааҕы харыйата ыытылынна.
Үөрүүлээх тэрээһиҥҥэ улуус нэһилиэктэрин оскуолаларыттан туйгун үөрэхтээх, улуустааҕы, өрөспүүбүлүкэтээҕи, Арассыыйа уонна норуоттар икки ардыларынааҕы спортивнай, култуурунай күрэхтэргэ, куонкурустарга, олимпиадаларга үрдүк ситиһиилээх үөрэнээччилэр кыттыыны ыллылар.
Улууспут баһылыга Дмитрий Тихонов, улуустааҕы үөрэҕирии управлениетын начаалынньыга Николай Никифоров эҕэрдэлээтилэр, анал ааттары туттардылар.
Бу сыл түмүгүнэн “Удьуор утумун оскуолата”, “Герой биир дойдулаахтарбынан киэн туттабын”, “Төрөөбүт дойдум айылҕатын харыстыыбын”, “Идэни талыы-олоххо сүрүн хардыы”, “Манчаары сиэттэрэ – эт-хаан өттүнэн чэгиэн буолуу уонна доруобуйа култуурата”, “Хомус – оҕолору саха норуотун төрүт муусукатын эйгэтигэр уһуйуу” хайысхаларга бииртэн биир чаҕылхай, бастыҥ үөрэнээччилэр Мэҥэ Хаҥалас улууһун баһылыгын стипениятынан наҕараадаланнылар.

 Сиһилии: https://эркээйи.рф/article/84330

Материал взят со страницы газеты “Эркээйи экспресс”  ( https://эркээйи.рф/article/84330)