Мин ийэм үҥкүүһүт

Алтынньы 10-18 күннэригэр Мэҥэ-Хаҥалас улууhун “Кыталык” Оҕо – Ыччат Эстетическэй Киинэ Ийэ күнүн көрсө куйаар ситимин нөҥүө «Мин ийэм үҥкүүһүт» диэн оҕо ийэтинээн үҥкүүлүү сылдьар видеотын эбэтэр хаартыскатын аһаҕас күөн-күрэhин ыытта.

Бу күрэс түмүгүнэн, биһиги оскуолабытыттан хаартыска күрэҕэр кыайыылааҕынан Ньургустан Скрябин 4-с “б” кылаас үөрэнээччитэ ааттанна.

Видео күрэҕэр 1 степеннээх Дипломант аатын «Айгыр силик» уус -уран кылаас ылла, кылаас салайааччыта Гоголева Анна Серафимовна, уус – уран салайааччы Аллараа Бэстээхтээҕи культура киинин специалиһа Черкашина Нюргустана Федоровна.

Бары кыттыыны ылбыт оҕолорбутугар, төрөппүттэрбитигэр, салайааччыларбытыгар өссө үрдүк ситиһиилэри баҕарабыт.